Бәхетле бул, Хәйбулла яугиры!

–Беҙҙең подразделениела Хәйбулла районынан ир-егеттәр күп. Бер-беребеҙгә һәр яҡлап ярҙам итергә тырышабыҙ. Махсус хәрби операция биләмәһендәге көнкүреш тормошобоҙҙо башлыса үҙебеҙ төҙөкләндерәбеҙ. Яҡташтарыбыҙ ебәргән гуманитар ылауҙар беҙҙең өсөн ҙур ярҙам булып тора. Йыл ярым эсендә өсөнсө тапҡыр ялға ҡайттым, – тип һөйләне “Гена”.
Сираттағы ҡыҫҡа ваҡытлы отпускыға ҡайтҡас, яугир һөйгәненә тәҡдим яһаған һәм 2024 йылдың 27 мартында йәштәр район үҙәге ЗАГС бүлегендә үҙ мөнәсәбәттәрен законлаштырҙы. Йәштәр араһында хистәр күптән инде барлыҡҡа килгән. Улар һәр саҡта бәйләнештә, мөмкин булғанса шылтыратып, аралашып торалар.
Йәштәргә ысын ғаилә ҡиммәттәрен: мөхәббәтте, тоғролоҡто, үҙ-ара аңлашыуҙы, ихтирамды, ышанысты һаҡлап ҡалыуҙарын теләйбеҙ, яугир яҡташыбыҙ еңеү менән иҫән-һау ҡайтһын тип теләйбеҙ.