«Тауарҙы гарантия буйынса ремонтҡа тапшырҙым. Һатыусынан ремонт ваҡытында ҡулланыу өсөн шундай уҡ тауар һорай аламмы?» — «Роспотребнадзор»ҙың Башҡортостан Республикаһы буйынса идаралығы белгестәре яуап бирә.Ремонт ваҡытына оҡшаш тауар бирелмәгән оҙайлы ҡулланыу тауарҙары исемлеге бар. Был ҡағиҙәне Рәсәй Федерацияһы Хөкүмәте билдәләй.
Исемлеккә:
️ автомобилдәр, прицептар, мотоциклдар һәм башҡа мототехника. Был категорияға инвалидтар өсөн тәғәйенләнгән тауарҙар, ял итеү суднолары һәм йөҙөү саралары инмәй; ️ мебель; ️ гигиена әйберҙәре булараҡ һәм медицина маҡсатында ҡулланылған электр көнкүреш тауарҙары (мәҫәлән, электр ҡырыныу,, сәс бөҙрәләтеү өсөн ҡоролмалар, электр юрған һ. б.); ️ ризыҡ әҙерләү һәм аҙыҡ-түлекте термик эшкәртеү өсөн ҡулланылған электр, газ һәм газ-электр приборҙары. ️ граждандар ҡоралы;▫ ️ ювелир изделиелары инә.
Һатыусы һеҙгә оҡшаш тауар тәҡдим итергә тейеш түгел – үҙегеҙгә һорарға кәрәк. Һеҙҙең талаптарҙы өс көн эсендә ҡәнәғәтләндерергә тейештәр.
#Аңлатабыҙ_Башҡортостан
