+22 °С
Болотло
Яңылыҡтар
23 Август 2024, 09:16
Өс автомобиль ҡатнашлығындағы юл фажиғәһендә водитель һәләк булған
-
Өс автомобиль ҡатнашлығындағы юл фажиғәһендә водитель һәләк булған
Башҡортостанда өс автомобиль ҡатнашлығындағы юл фажиғәһендә водителдең ғүмере өҙөлгән. Авария көндөҙ Дүртөйлө районында Р-240 автомобиль юлының 97-се саҡрымында теркәлгән.
Яҡынса мәғлүмәттәр буйынса, «Лада Приора» рулендәге 28 йәшлек ир ҡаршыға килгән УАЗ, һуңынан «Лада Гранта» менән бәрелешкән.
«Юл-транспорт ваҡиғаһында «Гранта» водителе, Ағиҙел ҡалаһынан 54 йәшлек ҡатын, алған йәрәхәттәрҙән вафат булған. «Приора» водителе дауаханаға оҙатылған», — тип хәбәр ителәр республика дәүләт автоинспекцияһынан.
Фажиғә сәбәптәре асыҡлана.
