Республика ауылдарында яңы һыу башнялары ҡуйыласаҡ

Быйыл республиканың иң ҡоро райондарының береһе-Хәйбулла районы ауылдарында дүрт яңы һыу башняһы ҡуйыласаҡ. Был урындағы халыҡҡа өҙөклөктәр һәм эсәр һыуҙың сифаты менән бәйле проблемаларҙы оноторға мөмкинлек бирәсәк. Элек ошондай модернизация үткәрелгән ауылдарҙа кешеләр һыу менән тәьмин итеүҙә етди үҙгәрештәр кисергән.

Хәйбулла районына эш сәфәре барышында Новоукраинка ауылы халҡы республика башлығына һыу менән тәьмин итеүҙә өҙөклөктәр булыу мәсьәләһен еткерҙе. Радий Хәбиров ул саҡта кешеләргә проблеманы хәл итергә вәғәҙә бирҙе. Мәҫәлән, 2020 йылда һыу менән тәьмин итеү селтәрҙәре яңыртылды, ә былтыр яңы һыу башняһы ҡуйылды. Хәҙер беҙ ҡалалағы кеүек насар йәшәмәйбеҙ, тиҙәр ауыл халҡы. Үҙәкләштерелгән һыу менән тәьмин итеү бар, тимәк, йортта бөтә уңайлыҡтар ҙа бар: санузел, душ бүлмәһе, кер йыуыу машинаһы.