Республика синоптиктары ял көндәрендә һауа торошо хаҡында һөйләне

Алдағы өс көндә Башҡортостанда ямғырҙар дауам итәсәк, тип хәбәр итте төбәк синоптиктары. Башгидромет мәғлүмәттәре буйынса, бөгөн республикала йәнә ямғыр яуасаҡ, көндөҙ урыны менән көслө. Ямғырҙар, йәшен, боҙ-борсаҡ. Ел төньяҡтан, төньяҡ-көнсығыштан талғын, көсәйеүсән. Һауа температураһы көндөҙ +17, +22 градус. Шәмбе, 13 июлдә, төндә ямғырҙар, урыны менән көслө, локаль ҡойма ямғырҙар, йәшен, боҙ-борсаҡ. Көндөҙ урыны менән ҡыҫҡа ваҡытлы ямғыр, йәшен, боҙ-борсаҡ яуыуы көтөлә. Ел төньяҡтан, төньяҡ-көнсығыштан талғын, урыны менән көсәйеүсән. Һауа температураһы төндә +11, +16 градус, көндөҙ +21, +26 градус. Йәкшәмбе, 14 июлдә, урыны менән ҡыҫҡа ваҡытлы ямғыр, көндөҙ йәшен. Ел төньяҡтан, төньяҡ-көнсығыштан талғын, урыны менән көсәйеүсән. Һауа температураһы төндә +12, +17, көндөҙ +22, +27 градус. Авторы: Галина Бахшиева