Районда эш сәфәре менән Башҡортостан Республикаһы Башлығы Хакимиәте етәксеһенең эске сәйәсәт буйынса беренсе урынбаҫары Азат Бадранов булды.

Бөгөн районда эш сәфәре менән Башҡортостан Республикаһы Башлығы Хакимиәте етәксеһенең эске сәйәсәт буйынса беренсе урынбаҫары Азат Бадранов булды. Сәфәр сиктәрендә ер аҫты байлыҡтарын файҙаланыусылар эшмәкәрлеге һәм ер аҫты байлыҡтарын файҙаланыу өлкәһендә хоҡуҡ боҙоуҙарҙы иҫкәртеү мәсьәләләре буйынса ведомство-ара комиссияның сираттағы ултырышы үтте.  Шулай уҡ ул "Бүребай тау-байыҡтырыу комбинаты" йәмғиәтенең ер бүлеү сиктәрендә боҙолған ерҙәрҙе рекультивациялау буйынса эштәр менән танышты. Муниципаль район хакимиәте башлығы Рөстәм Шәрипов менән бергә Аҡъяр-Новочеркасск автомобиль юлында Таналыҡ йылғаһы аша күпер үткәүелен һәм Сибай-Аҡъяр юлы участкаһын ремонтлауҙы ҡараны. Бынан тыш, Азат Шамил улы райондың активистары һәм йәмәғәт фекере лидерҙары менән осрашты, унда хәл итеүҙә республика ярҙамын талап иткән көнүҙәк мәсьәләләр күтәрелде. Осрашыу сиктәрендә төрлө тармаҡтарҙан бер төркөм хәйбуллалар күп йыллыҡ һәм намыҫлы хеҙмәте өсөн дәүләт наградаларына лайыҡ булды.