2074 йылға мөрәжәғәтнамә!

Өфө ҡалаһының тарих музейы халыҡты тәҡдимдәр, идеялар һәм киләсәк быуындарға ҡалдырырға теләгән әйберҙәр менән уртаҡлашырға саҡыра. Был Башҡортостандың хәҙерге баш ҡалаһы һулышын сағылдырған нәмәләр булырға мөмкин. Әйберҙәр «Ваҡыт капсулаһына» эләгә, уны илле йылдан һуң 2074 йылда асасаҡтар.

Әле «Бәйләнештә»ге музей төркөмөндә һорау алыу үткәрелә — оҡшаған вариантты һайларға йәки үҙ вариантыңды тәҡдим итергә мөмкин

Өфө ҡалаһы, Ленин урамы, 72 адресы буйынса «Ваҡыт капсулаһы - 2074» өсөн әйберҙәр килтерергә һәм идеялар менән уртаҡлашырға мөмкин. Белешмәләр өсөн телефон: +7 (347) 273-97-54.

Хәтерегеҙгә төшөрәбеҙ, 12 июндә Өфөлә ҡаланың 400 йыллығы хөрмәтенә 1974 йылда һалынған «Ваҡыт капсулаһы» тантаналы рәүештә асылды. Уның эсенә Башҡортостандың баш ҡалаһының 400 йыллығы хөрмәтенә үткәрелгән конференцияға саҡырыу билеты, тантаналы сара һәм фәнни конференция программалары, шулай уҡ рус телендәге «Киске Өфө» гәзитенең ике һаны һалынған булған.

#Аңлатабыҙ_Башҡортостан