Баласаҡ Планетаһы

31 май, балалар моделле һәм үҙәк район китапханаһы хеҙмәткәрҙәре Халыҡ-ара балаларҙы яҡлау көнөнә арналған, «Китап менән йәй» проекты сиктәрендә «Бэпембэ» балалар баҡсаһы тәрбиәләнеүселәре өсөн «Баласаҡ Планетаһы» уйын программаһын үткәрҙе.
Йәйҙең беренсе көнөндә илебеҙҙә һәм бөтә донъяла үҙенсәлекле байрамдарҙың береһе – Халыҡ-ара балаларҙы яҡлау көнө билдәләнә. Шатлыҡ-ҡыуаныстарға тулы бала саҡтан да гүзәл мәл юҡ. Бала саҡты бәхетле итеү – һәр ғаиләнең, йәмғиәттең һәм дәүләттең бурысы.
Балалар викторина һорауҙарына яуап биреп, яратҡан әкиәт геройҙарын иҫкә төшөрҙөләр, хәрәкәтсән уйындар уйнап, күңелле конкурстарҙа ҡатнаштылар

Рәзилә Ишназарова, район балалар моделле китапханаһы мөдире.