+22 °С
Болотло
Яңылыҡтар
19 Апрель 2024, 05:51
Ял көндәрендә йәй кеүек эҫе булыуы көтөлә
-
Ял көндәрендә йәй кеүек эҫе булыуы көтөлә
Башҡортостанда алдағы ял көндәрендә йәйгесә эҫе була. Башгидрометүҙәк мәғлүмәттәре буйынса, шәмбе, 20 апрелдә, әллә ни яуым-төшөм көтөлмәй, көндөҙ төньяҡ-көнбайышта ҡыҫҡа ваҡытлы ямғыр, йәшен фаразлана. Ел көньяҡтан, көньяҡ-көнбайыштан талғын, көндөҙ урыны менән көсәйеүсән. Һауа температураһы төндә +11, +16°, көнсығышта +6°, көндөҙ +23, +28°.
Йәкшәмбе, 21 апрелдә, урыны менән ҡыҫҡа ваҡытлы ямғыр яуыуы, йәшен йәшнәүе көтөлә. Ел көньяҡ-көнбайыштан, йүнәлешен төньяҡ-көнсығышҡа үҙгәртеп талғын, урыны менән көсәйеүсән. Төндә +9, +14°, көндөҙ +20, +25°.
Бөгөн яуым-төшөм булмай. «Башинформ» хәбәр иткәнсә, ел көньяҡтан, көньяҡ-көнбайыштан талғын, көндөҙ урыны менән көсәйеүсән. Һауа температураһы көндөҙ +22, +27°.
