«Ҡатыным лотереяла еңеүемә ышанманы»

Башҡортостанда йәшәүсе Константин Есипов лотереяла автомобилгә алыуға 2 миллион һум отҡан. «Столото»ның матбуғат хеҙмәтенән хәбәр итеүҙәренсә, ул ғәҙәттә уйын майҙансыҡтарында яратҡан һандары булған билеттар һатып ала, ә был юлы ир һатыусынан уның өсөн осраҡлы рәүештә өс дана һайларға һорай.

«Билеттарҙы мин машинамдың салонына һалдым, унда улар бер ай буйына йөрөгәс, иҫемә төштө. Отош уйыны йомғаҡтарын мин лотерея сайтындағы тираж архивынан һан таблицаһы буйынса тикшерҙем. Автомобиль алыуға 2 миллион отоуын күреп, шаҡ ҡаттым. Ҡатыным һиңә ни булды тип һорағас,  ҙур еңеү яуланым, тип яуап бирҙем. Ул миңә шул саҡта ышанманы», — тип хәтерләй ир.

Еңеүсе отошон аҡса рәүешендә алырға ҡарар итә. Аҡсаның бер өлөшөн ул һаулығына тотонорға ниәтләй, ә ҡалғандарын — ҡатыны менән диңгеҙҙә ял итеүгә һәм балаларға бүләктәр биреүгә. Пенсияға сыҡҡанға тиклем ул Ғәҙәттән тыш хәлдәр министрлығында янғын һүндереүсе булып эшләй. Хәҙер ҡатыны менән балыҡ тоторға йөрөй: улар бергәләп тәбиғәттә тынлыҡта булырға ярата. Лотереяла ҡатнашыу ир-егеттең күп йыллыҡ мауығыуы. Совет осоронда уға спорт велосипедын  еңеү бәхете тейә.