+29 °С
Болотло
Яңылыҡтар
20 Март 2024, 04:26
Ҡурҡыныс була, әммә был беҙҙең эш
2022 йылдың 24 феврале күптәрҙең тормошо быға тиклем һәм бынан һуңға бүленә. Азатлыҡ һәм бойондороҡһоҙлоҡ, нацизмһыҙ бәхетле киләсәк өсөн көрәштә Рәсәй алғы һыҙыҡта тора. Хәйбулла районынан мобилизацияланған яугирҙәр махсус хәрби операция биләмәләренән бер-бер артлы ялға өйҙәренә ҡайта. Хәрбиҙәрҙең ҡыҫҡа ваҡытлы булһа ла, тейешле отпускылары бар.
Ҡурҡыныс була, әммә был беҙҙең эш
Беҙҙең геройға ни бары 23 йәш. Хәйбулла районы егете 9-сы класты тамамлағас Аҡъяр һөнәрселек училищеһына уҡырға килә, тик уҡып бөтмәй үҙ теләге менән 18 йәше тулғас та, хеҙмәт итеү теләге менән әрме сафтарына китә, унда ул артиллерия бригадаһында 1 йыл хеҙмәт итә. Ҡайтҡас хәрби хеҙмәттең нимә икәнен онота, үҙен хәрби тип күҙ алдына ла килтермәй. 2022 йылдың февралендә махсус операция башлаған тигән хәбәрҙе ишеткәс, барыһы ла ҡырҡа үҙгәрә. 2022-се йылдың 29-сы сентябрь айында яугир хәрби хеҙмәткә өлөшләтә мобилизация башланғас та ебәрелә. . Ҡыҫҡа ваҡытлы отпускҡа килгән махсус хәрби операцияла ҡатнашыусы “Тим” позывнойлы яугир әлеге ваҡытта Донецк халыҡ Республикаһының Авдеевка йүнәлешендә хәрби хеҙмәтен артиллерист булып үтә. “ТИМ” хеҙмәт иткән дивизионда Башҡортостандан ни бары 7 генә егет бар, ә ҡалғандары Рәсәйҙең төрлө төбәктәренән. Тыйнаҡ, аҙ һүҙле яҡташыбыҙ ике дәүләт наградаһына - “Александр Суворов” һәм “Хәрби батырлыҡ” өсөн II дәрәжә миҙалына эйә, 2024 йылдың ғинуарынан “Хәрби хәрәкәттәр” ветераны була.
