Бөтә яңылыҡтар
Яңылыҡтар
12 Февраль , 08:48

Башҡортостандың һаулыҡ һаҡлау министрлығында ауырыу тештәрҙең нимәгә килтереүе хаҡында һөйләнеләр

-

Башҡортостандың һаулыҡ һаҡлау министрлығында ауырыу тештәрҙең нимәгә килтереүе хаҡында һөйләнеләр
Башҡортостандың һаулыҡ һаҡлау министрлығында ауырыу тештәрҙең нимәгә килтереүе хаҡында һөйләнеләр

Фото: Ксения Калинина
Башҡортостанда ауыҙ ҡыуышлығы һаулығына яуаплы мөнәсәбәт аҙналығы дауам итә, сөнки ул матур йылмайыу ғына түгел, ә кеше һаулығының мөһим өлөшө лә. Башҡортостандың һаулыҡ һаҡлау министрлығы мәғлүмәттәре буйынса, ауыҙ лайлаһының зарарланыуы эске ағзалар ауырыуҙарының билдәләре булыуы ихтимал. Мәҫәлән, афтозлы стоматит аш һеңдереү ағзалары ауырыуҙары менән бәйле булыуы мөмкин, тештәрҙең ҡан ағыуы пародонт ауырыуҙары менән генә түгел, ҡан ауырыуҙары менән дә күҙәтелә, ауыҙ лайлаһы ҡыуышлығының төҫө һәм торошо үҙгәреүе буйынса анемияға (аҙ ҡанлылыҡҡа) шикләнергә мөмкин.

"Ауыҙ ҡыуышлығы торошо, үҙ сиратында, тотош организмдың һаулығына йоғонто яһай. Ауырыу тештәре йәки уларҙың булмауы йәшәү сифатын ныҡ кәметә. Кариестың төп сәбәбе булған микроорганизмдар ҡан ағымына эләгеп, иммунитет кәмегәндә инфекцион эндокардит (йөрәктең эске тышсаһы шешеүе) — ғүмергә хәүеф тыуҙырыусы ауырыу тыуҙырыуы ихтимал. Кариес ҡына түгел, пародонт ауырыуҙары ла эске ағзалар ауырыуына килтереүе ихтимал. Мәҫәлән, пародонт ауырыуҙары булған кешеләрҙә инфаркт һәм инсульт хәүефе юғарыраҡ", - тип билдәләнеләр ведомствола.

Ауыҙ ҡыуышлығы гигиенаһының түбән кимәле респиратор ауырыуҙар һәм лор ағзалары ауырыуҙары йышыраҡ барлыҡҡа килеүе менән бәйле.

Авторы: Дарья Субботина

Автор:
Читайте нас в