8-9 февралдә Өфөлә йәштәрҙең VIII «КУРС-2024: Карьера. Уңыш. Үҫеш. Ижад» мәғариф форумы үтә

Ҡатнашыу өсөн 2024 йылдың 5 февраленә тиклем һылтанма буйынса vk.cc/cujIMd теркәлергә кәрәк.

Форум өс йүнәлештә эшләйәсәк:

 «Социаль проектлау» – федераль эксперттар йәлеп итеп, Йәштәр эштәре буйынса федераль агентлыҡтың 2024 йылдағы грант конкурстары буйынса оҫталыҡ дәрестәре; ғариза тултырыу йәһәтенән шәхсән консультациялар.

 «Карьераға старт» – Өфөнөң алдынғы предприятиеларының персонал һайлап алыу буйынса хеҙмәткәрҙәре ҡатнашлығында «Тиңдәштәрсә әңгәмә» һәм «асыҡ һөйләшеү» форматында осрашыуҙар һәм тренингылар.

 «Эшлә» – карьера, шәхси бренд булдырыу һәм йәштәр эшҡыуарлығы буйынса асыҡ лекторийҙар.

Форумдың төп ваҡиғаһы – «проекттар конвейеры». Ҡатнашыусылар үҙҙәренең проекттарын эксперттарға күрһәтәсәк. Проекттарҙың иң яҡшылары һайлап алынып, тормошҡа ашырыу өсөн финанс ярҙамы аласаҡ.

📞 Белешмәләр өсөн телефон: 8 (347) 279 06 56.

#Аңлатабыҙ_Башҡортостан