Пинкодты карта менән бергә тотмағыҙ!

Тормошта төрлө хәлдәр була. Ҡайһы саҡта карточкаларығыҙ ятҡан янсыҡты, сумканы юғалтыуығыҙ бар. Ярай ҙа әйберҙәрегеҙҙе намыҫлы кеше тапһа. Әммә ҡайһы саҡта улар бурҙар ҡулына эләгә.

Шул саҡта кешеләрҙең карточкаларының янында, уларҙың пинкодтарын да һаҡлауы асыҡлана. Был бик аяныслы. Сөнки бурҙың ҡулына бар карточкалар ҙа, уның пинкоды ла эләгә. Күҙ асып йомған арала иҫәбегеҙҙәге бар аҡса бурҙарҙың ҡулына күсә. 

Шулай уҡ телефондан шылтыратып карточка артындағы өс һанды һораусыларға ла уны әйтмәгеҙ! Банк хеҙмәткәрҙәре лә, хоҡуҡ һаҡлау органдары ла, бер ойошма ла ул һанды һорамай! Быны тик бурҙар ғына эшләй! Үҙегеҙҙе төрлө яҡлап һаҡлағыҙ, таныш булмаған телефон һандарына яуап бирмәгеҙ.