БИК ФАЙҘАЛЫ КӘҢӘШТӘР

Хәҙер кеше ашай ҙа ята, ашай ҙа ята телефон тотоп. Бигерәк тә ҡала халҡына ҡағыла был, һәм бигерәк тә - йәштәргә. Шунан аптырайҙар инде, әле 40 та тулмаған, ҡайҙан миндә юғары ҡан баҫымы, йөрәк ауырыуҙары, остеохондроз, бил бөгөлмәй, муйын тотмай, ҡолаҡ сыңлай тип.

Ашағандан һуң ултырырға, ятырға кәңәш итмәй табиптар.
Йәйәү күберәк йөрөгөҙ. Күрше урамдағы кибеткә барыр өсөн дә такси саҡыртып ятмағыҙ.
 Спорт яратмай икәнһегеҙ, саф һауала ярты сәғәт булһа ла йөрөп килергә ғәҙәтләнегеҙ.
Иң файҙалы спорт төрҙәренең береһе - саңғы. Бөтә күҙәнәктәрегеҙ кислород менән туҡланыр.
Ике-өс бөртөк керегеҙ бар икән, ҡул менән йыуығыҙ. Электр яғыулығына ла экономия булыр.
💚Саң-туҙанға батып ятмағыҙ, был һаулыҡ өсөн зарарлы. Эйелеп иҙән йыуған инәйҙәрҙең биле 30 йәшлек ялҡау килендәрҙекенән күпкә нескәрәк.
💚Ир кешегә иң яҡшы физик күнекмә - ҡар көрәү. Тын юлдары таҙарып, асылып китә.
💚Форсат булһа, машинағыҙҙы үҙегеҙ йыуығыҙ. Ыңғай яҡтарын яҙып тормаһам да аңлашыла.
💚Хәлегеҙ бар икән, лифт саҡыртмай, йәйәү менеп-төшөгөҙ баҫҡыстан.
Әллә күпме дауам итергә булыр ине был кәңәштәр теҙмәһен. Аҡыллыға - ишара, ти. Кемдәрҙер мыйығына урап ҡуйыр, икенселәр үҙенсә дауам итеп тормошон, һаулығына зарланып көн күрер.

https://vk.com/bashkortvk төркөмөнән алынды