Тәүге сиратта кәрәкле дарыуҙарҙы хәҙер ауылда фельдшер-акушер пункттарында һатып алырға мөмкин. Әле дарыу препараттары Ғәлиәхмәт, Аҡнаҙар һәм Маҡан ФАП-на килтерелгән. Ошо көндәрҙә Ивановка табип амбулаторияһына ла дарыуҙар килтереү көтөлә.
Подольск һәм Ивановка ауылдарының табип амбулаторияларында, Әбеш, Ғәлиәхмәт, Аҡнаҙар, Атингән, Әбүбәкер, Степной, Маҡан, Мәмбәт ФАП-рында дарыу препараттарын күмәртәләп һатыу ойоштороласаҡ.
Дарыуҙар буйынса табип амбулаториялары һәм фельдшер-акушер пункттарына мөрәжәғәт итергә кәрәк. Дарыуҙар рецептһыҙ бирелә. Бөтә ФАП-тар һәм табип амбулаториялары лицензияланған, медицина хеҙмәткәрҙәре өйрәтелгән.