2 декабрҙән Берләшкән Ғәрәп Әмирлектәренең Air Arabia авиакомпанияһы Шарджа — Өфө — Шарджа маршруты буйынса осоу программаһын аса. Тура рейстар аҙнаһына биш тапҡыр: дүшәмбе, шишәмбе, кесаҙна, йома һәм йәкшәмбе көндәрендә башҡарыла. Осоу өсөн биш сәғәт самаһы ваҡыт китә.
Өфө аэропорты хәбәр итеүенсә, Башҡортостандың баш ҡалаһынан самолеттар төнгө 2-се яртыла оса һәм Шарджаға урындағы ваҡыт буйынса таңғы 6-сы яртыға барып етә. Осоштарҙы 168 пассажир өсөн иҫәпләнгән Airbus A320 самолёттары башҡара. Маршрут 2023 йылдың март аҙағына тиклем ғәмәлдә.