Төбәктә -7 градусҡаса һыуытасаҡ һәм ҡар яуасаҡ

Республикала алдағы көндәрҙә -7 градусҡа ҡәҙәр ҡапыл һыуытасаҡ, айырым райондарҙа ҡар яуасаҡ. Бының турала Башгидрометцентр хәбәр итә.

Бөгөн, 24 октябрҙә, Башҡортостанда ямғыр көтөлә, көнсығышта ул ҡар ҡатыш яуасаҡ. Төндә 0,…+5 градусҡаса һыуытасаҡ.

Шишәмбелә, 25 октябрҙә, төндә һәм көндөҙ ҡар ҡатыш ямғыр көтөлә, айырым райондарҙа сымдарға һәм ағастарға епшек ҡар һырыясаҡ. Һауа температураһы көндөҙ  0,…+5, төндә +1,…-4 градус буласаҡ.

Шаршамбыла, 26 октябрҙә, шулай уҡ урыны менән бер аҙ ҡар яуасаҡ. Төндә -7 градусҡаса һыуытасаҡ.

«Башинформ» алдан яҙып үтеүенсә, төбәк ЮХХДИ-һы автоһөйөүселәргә йәйге резинаны ҡышҡыға алмаштырыуға өндәй.

https://www.bashinform.ru/news/social/2022-10-24/v-bashkirii-poholodaet-do-7-gradusov-i-vypadet-sneg-3000473

Автор:Ләйсән Закирова.

Фото: "Башинформ" архивынан.