Хужабикәләр, был кәңәштәргә ҡолаҡ һалып ҡына ҡалмағыҙ, уларҙы хәтер һандығына һалып ҡуйығыҙ!

*Иҙәнегеҙ линолеум икән, ҡайнар һыу менән йыуырға ашыҡмағыҙ. Төҫө тоноҡланасаҡ ҡына.
*Аш-һыу бүлмәһендәге һауыт-һабаны ялтыратаһығыҙ килсә, сей картуф ҡулланып ҡарағыҙ әле.
*Иттартҡыстан иң аҙаҡтан сей картуф сығараһығыҙ икән, уны йыуыу күпкә еңел буласаҡ.
*Һыуытҡыстағы еҫте бөтөрөргә ярҙамға лимон киләсәк. Һыу менән лимон һутын бергә-бер ҡушып, йыуып алһағыҙ, ят еҫ тиҙ бөтөр.
*Ҡулдағы һарымһак, балыҡ еҫе бөтмәйме? Ҡулығыҙҙы иң беренсе тоҙ менән, унан лимон һуты менән һөртөп алығыҙ.
*Табалағы ҡыҙған балык еҫен дә тоҙ ышҡып бөтөрә алаһығыҙ.
*Яңы аяҡ кейеме һатып алдығыҙ, ә ул ҡыҫамы? Одеколонлы мамыҡ менән аяҡ кейеменең эсен һөртөгөҙ һәм өйҙә кейеп йөрөп ҡарағыҙ. Күн йомшарып китер.
*Аш бүлмәһендәге таҫтамалды машинала йыуыр алдынан, аш һеркәһе һалынған йылы һыуҙа тотоп алырға кәрәк.