"Туғанын ерләргә ҡайтып барғандар": Башҡортостандың халыҡ артисы һәм уның хәләл ефете ҡот осҡос аварияла һәләк булған

"Туғанын ерләргә ҡайтып барғандар": Башҡортостандың халыҡ артисы һәм уның хәләл ефете ҡот осҡос аварияла һәләк булған

Кисә төнгә ҡарай Өфө - Инйәр - Белорет автомобиль юлының 190-сы саҡрымында Great Wall менән ҡаршыға килгән Маn йөк машинаһы бәрелешкән. Еңел автомобиль водителе һәм уның пассажиры ваҡиға урынында йән биргән. Әлеге ваҡытта фажиғә сәбәптәре асыҡлана.

 Great Wall рулендә Башҡортостандың халыҡ артисы, Стәрлетамаҡ театр-концерт берләшмәһе актеры Фәим Әхмәтйәнов булған. Ҡатыны менән Әбйәлил районына туғанын ерләргә ҡайтып барған. Хәләл ефете Хөснә Әхмәтйәнова уҡытыусы булып эшләгән. Уларҙың ике балаһы ҡалған.

Әхмәтйәновтарҙың туғандарының һәм яҡындарының ауыр ҡайғыһын уртаҡлашабыҙ.

Башҡортостаным | яңылыҡтар

https://vk.com/bashkortostanim