Һанлы медицина институты асылды

“Бөгөн тәүге эш көнөндә Башҡорт дәүләт медицина университетының  Һанлы медицина институтын астыҡ”, - тип яҙҙы бөгөн Башҡортостан Башлығы Радий Хәбиров үҙенең социаль селтәрҙәге битендә.

Ул шулай уҡ Башҡорт дәүләт медицина университетына былтыр Бөтә Рәсәй  күҙ һәм пластик хирургия үҙәге ҡушылыуы тураһында иҫкә төшөрә. Быйыл Өфө күҙ ауырыуҙары ғилми-тикшеренеү институтын да бөтә ресурс базаһы менән университетҡа тапшырыу тамамланасаҡ. Һөҙөмтәлә республикала ҡеүәтле офтальмология кластерын булдырыу өсөн юл асыла. “Был халыҡ өсөн, бөтә тармаҡ, медицина фәнен һәм практикаһын үҫтереү өсөн бик әһәмиәтле ваҡиға буласаҡ. Беҙ үҙебеҙҙең яҡтан медицина университетына ярҙам итәбеҙ, бөтә башланғыстарын хуплайбыҙ”, - тип белдерә төбәк етәксеһе.