Үҙәк банк физик берәмектәрҙең аҡса күсереүен күҙәтеп барырға йыйыныуын кире ҡаҡты

Рәсәй банкы физик берәмектәрҙең операцияларын контролдә тотоу өсөн кредит ойошмалары өсөн яңы отчет индерергә йыйынмай.

«Онлайн-казино һәм букмекерҙарҙың законһыҙ операциялары өсөн уларҙың платформаларын файҙаланыу хәүефе булған осраҡта ғына ҡайһы бер банк клиенттарының исемһеҙ мәғлүмәттәрен йыйыу күҙаллана.

Һүҙ башбаштаҡлыҡтар - бер үк кешеләрҙең адресына һанаулы сәғәттәр эсендә ҙур суммалар күсереү тураһында бара. Аңлашыла, был халыҡ йәки бәләкәй бизнес ҡулланған ябай иҫәп-хисап түгел, ә йәшерен операциялар үткәрергә маташыу», - тип асыҡлыҡ индерҙеләр Рәсәйҙең Үҙәк банкында.

Йәғни был эш тоталь контролде күҙ уңында тотмай һәм бәләкәй бизнесҡа ҡағылмай.

Сығанаҡ:Башкортостаным/яңылыҡтар