Башҡортостанда коронавирустан вакцина яһатыусылар 79 проценттан артты

Был турала Һаулыҡ һаҡлау министрлығынан хәбәр итәләр. Прививканың ике компонентын да 1 миллион 968 мең кеше эшләткән. Беренсе өлөшө 2 миллион 142 меңдән ашыу кешегә яһалған. Бер тәүлек эсендә 22 мең самаһы кеше вакцина алған. Шулай уҡ халыҡты ревакциналау дауам итә. Бөгөнгә 189 меңдән ашыу кеше ҡабаттан прививка яһатҡан. Ревакциналауҙа өҙөклөктәр килеп сыҡмаһын өсөн тиҙ арала вакцина ҡаҙатыу мөһим, ти академик, медицина фәндәре докторы, профессор Вил Тимербулатов. 

Республикала 200-гә яҡын урында, шул иҫәптән мобиль пункттарҙа иммунизация үтергә була. Һаулыҡ һаҡлау министрлығының Берҙәм телефоны: 122. Шулай уҡ Ситуация үҙәгенә шылтыратып, белгестәрҙән прививкаға бәйле белешмә алырға мөмкин. Уның телефоны: 218-19-19.