Башҡортостанда инвалид үҙе үҫтергән ҡарбуздарын һата

43 йәшлек Онар Валикаев Ҡалтасы районы Калегин ауылында йәшәй, төрлө сортлы ҙур-ҙур ҡарбуздар үҫтерә.

Ботаника менән 2007 йылда мауыға башлаған. Уңышының төп үҙенсәлеге шунда: үҫемлектәргә химикаттар һәм яһалма ашламалар ҡулланмай. Органик ашламаны үҙе эшләй.

Үҙенең ҙур һәм тәмле ҡарбуздарын Онар урындағы халыҡҡа һата. Уның һүҙҙәренсә, ҡаланан килеп, 15-20 килограмм ҡарбуз һатып алалар.

Онар - икенсе төркөм инвалиды, шул уҡ ваҡытта ул спорт менән шөғөлләнә, даими йүгерә, хатта марафондарҙа ҡатнаша, мәҫәлән, яҙ көнө Нефтекамала ойошторолған марафонда 10 саҡрымға йүгереп, өсөнсө урынды алған.

Афарин, Онар!

Сығанаҡ: Мксет.ру

Башкортостаным/яңылыҡтар