+22 °С
Болотло
Яңылыҡтар
9 Июль 2021, 04:55
Бөтә донъя фольклориадаһында Хәйбулла районы делегацияһы ла ҡатнашты
-
Бөтә донъя фольклориадаһын мәҙәни олимпиада тип атарға мөмкин. Халыҡ-ара кимәлдәге күләмле сара 4 йылға бер тапҡыр ойошторола. Ҡатнашыусылар республиканың төрлө төбәктәрендә сығыш яһаны, сағыу тамашалар 22 ҡала, районда уҙҙы.
Был күләмле саранан район мәҙәниәт хеҙмәткәрҙәре лә ситтә ҡалманы. Ун кешенән торған район делегацияһына бөтә донъя кимәлендәге иң матур һәм сағыу тамашаны күрергә насип булды.
Нәзифә Ҡыҙрасова, район мәҙәниәт йорто методисы:
Сания Ғәлина, район балалар моделле китапханаһы китапханасыһы:
Греция бейеүселәре бик боронғо кейемдә бейеүҙәре оҡшаны, мексикандар сағыу биҙәктәр менән ғәжәпләндерҙе, Австрия, Словакия, Индонезия артистары музыка, бейеү һәм йыр аша үҙҙәренең ил мөхитенә сорнаны. Барыһын да үҙ күҙҙәрең менән күреү бик ҙур бәхет.
Парад аҙағында “Ватан” этнопаркында парадта ҡатнашыусылар ҙур әйлән-бәйләнгә теҙелде. Унда бер юлы ике донъя рекорды ҡуйылды. Шул рекордҡа үҙ өлөшөмдө индереүемә шатмын. Был бик ҙур иҫтәлек.
Рәзифә Байғусҡарова, үҙәк район китапханаһы китапханасыһы:
-Донъя кимәлендәге мәҙәни олимпиадала һәр бер халыҡтың рухи көсө, мәҙәниәте менән сорналған мөхиттәге парадта ҡатнашып, тик ыңғай энергия алдыҡ. Төрлө милләт вәкилдәре менән бергә әйлән-бәйләндә йөрөп, үҙебеҙгә илаһи көс тупланыҡ. Унда рекорд ҡуйыуҙа ҡатнашыуыбыҙа сикһеҙ ғорурланам.
