Хәйбулла хәбәрҙәре
+21 °С
Ясно
ВКонтактеОдноклассники
Яңылыҡтар
30 Июня 2021, 15:33

Файҙалы ла, татлы ла битлектәр

Йәйгеһен бит-йөҙ матурлығы өсөн һәр төрлө еләк-емеш битлектәре яһап ҡалырға мөмкин. Мәҫәлән, ҡурай еләге тиреләге таптарҙы ағарта, арығанлыҡ һыҙаттарын юҡҡа сығара, ә ҡыҙыл ҡарағат...

Йәй – емеш-еләк миҙгеле. Был осорҙа беҙ уларҙы рәхәтләнеп ашап, витаминдар туплап, ҡышҡылыҡҡа әҙерләп ҡалырға тырышабыҙ. Тап ошо мәлдә бит-йөҙ матурлығы өсөн һәр төрлө еләк-емеш битлектәре яһап ҡалырға мөмкин.
Бындай битлектәр тирене дымландыра, уның торошон яҡшырта, майланыуҙан һаҡлай.
Битлек өсөн алынған емеш-еләкте бер төрлө масса итеп иҙергә һәм шунда уҡ ҡулланырға кәрәк. Һөҙөмтә яҡшыраҡ булһын тиһәгеҙ, даими, йәғни көн аша эшләгеҙ. Уларҙы биттә 15-20 минут тоторға, һылар алдынан мотлаҡ ҡул һыртына һөртөп, тәндең реакцияһын тикшерергә кәрәк.
Ниндәй емеш нисек тәьҫир итә?
  • Ҡурай еләге тиреләге таптарҙы ағарта, арығанлыҡ һыҙаттарын юҡҡа сығара.
  • Ҡыҙыл ҡарағат киңәйгән күҙәнәктәрҙе тарайта, сәберткән проблемалы тире өсөн файҙалы.
  • Ҡара көртмәле ҡартайыуға ҡаршы тора ала, ваҡ һәм ҡайһы бер тәрән һырҙарҙы ла тигеҙләй.
  • Крыжовник та шундайыраҡ һөҙөмтә бирер, тирене кибеүҙән һаҡлай.
  • Баҡса еләге таптарҙы бөтөрә. Витаминдарға һәм минералдарға бай бындай битлектән һуң һипкелдәр ҙә шиңеп ҡалыр.
  • Балан битлеге – һытҡыларға ҡаршы шәп сара.
  • Гөлйемеш бөтә төр тирегә лә бара. Ул бит тиреһен сафландыра, йәшәртә.
  • Виноград бит тиреһенең төҫөн, торошон яҡшырта.
  • Ҡыҙыл көртмәле йәшәртеү көсөнә эйә. Ул эренле яраларҙы бөтөрә, бит тиереһен майланыуҙан һаҡлай, яҡшы дымландыра.
  • Һырғанаҡ коллаген һәм эластин эшләп сығарыу процесын тиҙләтә, һырҙарға ҡаршы көрәшә.
    • Фото: 101hairtips.com
    Автор: Гөлдәр Яҡшығолова
    https://bash.rbsmi.ru/articles/s-l-m-t-bulayy/Fay-ali-la-tatli-la-bitlekt-r-843331/
    Автор:«Башҡортостан» гәзите
    Читайте нас

    © 2026 Ижтимағи-сәйәси гәзит. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, «Башҡортостан Республикаһы» нәшриәт йорто акционерҙар йәмғиәте.

    Об использовании персональных данных

    Свидетельство о регистрации СМИ: ПИ № ТУ 02-01797 от 19 мая  2025 года выдано Управлением федеральной службы по надзору в сфере связи, информационных технологий и массовых коммуникаций по Республике Башкортостан.

    Некоторые материалы сайта «Хәйбулла хәбәрҙәре» предназначены для пользователей старше 16 лет.

    Главный редактор: 8(34758) 2-14-95

    Рекламная служба: 8(34758) 2-15-62

    Е-mаil:  haib_vestnik@mail.ru

    Телефон
    8(34758)2-14-95
    Эл. почта
    haib_vestnik@mail.ru
    Адрес
    453800, Башкортостан, Хайбуллинский район, с.Акъяр,пр.С.Юлаева, д.41.
    Рекламная служба
    8(34758)2-15-62
    Яндекс.Метрика