+23 °С
Болотло
Яңылыҡтар
21 Июнь 2021, 10:49
Гастролдәр өсөн яңы автобус
“Берҙәм Рәсәй” партияһының “Бәләкәй Ватаныбыҙ мәҙәниәте” партия проекты ярҙамында район мәҙәниәт йорто 19 урынға иҫәпләнгән GAZelle Next маркалы яңы микроавтобуслы булды.Райондың һәүәҫкәр артистары хәҙер концерт менән башҡа төбәктәргә лә сыға ала
Проект сиктәрендә мәҙәниәт йорттары, театрҙары матди-техник базаһын нығыта, ремонт үткәрә ала ине, ә инде 2020 йылдан транспорт һатып алыу мөмкинлеге лә булдырылды.
Яңы микроавтобуста Хәйбулла район мәҙәниәт йорто артистары концерт программалары менән район ауылдарына сыға, ауыл биләмәләре мәҙәниәт учреждениеларына методик ярҙам күрһәтә ала. Машина район кимәлендә ҙур саралар үткәреү, ижади программалар, акциялар һәм күргәҙмәләр менән күрше өлкәләргә сығыу мөмкинлеге аса.
--Хәйбулла районы артистары йыр-моңға һәләте менән күптән билдәле. Район, республика, хатта Рәсәй кимәлендәге конкурс-сараларҙағы еңеүҙәр быны асыҡ дәлилләй. Шуға күрә район мәҙәниәт йортоноң заманса автобусҡа эйә булыуы хәйбуллаларға ғына түгел, ситтә йәшәгән тамашасыларға ла сағыу мәҙәни саралар бүләк итеү мөмкинлеген бирә. Ә «Берҙәм Рәсәй» партияһы проекты ауыл клубтарын һәм мәҙәниәт йорттарын үҫтереүгә һәм уларҙың матди-техник базаһын яңыртыуға йүнәлтелгән, --тине район мәҙәниәт йорто директоры Ольга Шорохова.
Фото:
