+29 °С
Болотло
Яңылыҡтар
26 Май 2021, 16:08
Ябай һыуға уны ҡушһаң...
Һәммәбеҙҙең сәләмәтлеге өсөн мөһим был файҙалы эсемлек хаҡында медицина хеҙмәткәрҙәре белдергән. Бындай һыу эҫе көндә бигерәк тә файҙалы...
Һәммәбеҙҙең сәләмәтлеге өсөн мөһим был файҙалы эсемлек хаҡында медицина хеҙмәткәрҙәре белдергән.
Медицина хеҙмәткәрҙәре лимонлы һыуҙы йыл буйы эсергә тәҡдим итә. Бындай һыу эҫе көндә бигерәк тә файҙалы тип яҙа EatThisNotThat баҫмаһы.
“Бер лимонда кеше өсөн кәрәкле С витаминының 20 проценты бар”, - тип яҙған медицина фәндәре докторы, диетолог Алисия Гэлвин. Уның һүҙҙәренә ҡарағанда, лимонлы һыуҙы көн һайын эскән кеше иммун системаһын нығыта, вирустарға ҡаршы торорға ярҙам итә. Лимонлы һыуҙағы цитрат бауырҙағы оксалат таштарҙы ваҡларға ярҙам итә, тигән фекерҙә диетолог Алисия Гэлвин.
Лимонлы һыу матурлыҡ өсөн дә кәрәк. Ул тәнде яҡшырта, уны йәшәртә, һырҙарҙы булдырмаҫҡа ярҙам итә икән. Баҡтиһәң, быға лимонда күп булған С витамины коллагендың синтезына ярҙам итә.
Диетолог Джессика Биппен ябығырға теләгәндәргә лимонлы һыуҙы ашағанға тиклем һәм туҡланған ваҡытта эсеү файҙалы, ти. Был эсемлек кешелә туйыу тойғоһон ҡалдыра һәм артығын ашарға булышлыҡ итмәй.
Диетолог Лорен Слейтон һәр иртәне бер сынаяҡ ҡәһүәне түгел, бер стакан лимонлы һыуҙы эсеүҙән башларға кәңәш итә. Ул тәнде дымландырырға ярҙам итә икән.
Фото: forexdengi.com
Автор: Айһылыу Низамова
