«Берҙәм Рәсәй» ата-әсәләрҙе мәктәптәрҙә һәм балалар баҡсаларында ойошторолған сығарылыш кисәләренә индерергә тәҡдим итте

«Берҙәм Рәсәй»ҙең Башҡортостан бүлексәһе коронавирусҡа ҡаршы штабҡа коронавирус сикләүҙәрен йомшартыу үтенесе менән мөрәжәғәт итте. Һүҙ балалар баҡсалары һәм мәктәп тәрбиәләнеүселәре өсөн сығарылыш кисәләрен уҙғарыу тураһында бара.

Сараны урамда үткәргәндә - социаль дистанцияны һаҡлау һәм битлек кейеп йөрөү, бина эсендә иһә 50-нән күберәк кеше ҡатнашҡан кисәлә терапевтан инфекция сирҙәренең булмауы тураһында белешмә алыу ҙа етә, тип билдәләй партиясылар.

«Мөрәжәғәтебеҙҙең асылы - ата-әсәләрҙе балаларының сығарылыш кисәләренә антиесемдәр һәм вакцинация булыуы тураһында белешмәһеҙ, ләкин санитар-эпидемиологик именлек сараларын үтәү - битлек кейеү, социаль дистанцияны һаҡлау шарты менән индереү», - тине партияның төбәк бүлексәһе рәйесе Рөстәм Әхмәҙинуров.

Беҙҙең мәғлүмәт буйынса, коронавирусҡа ҡаршы штабтың киләһе ултырышы шаршамбы, 19 майҙа, була.

Сығанаҡ: Башинформ

Башкортостаным/яңылыҡтар