+23 °С
Болотло
Яңылыҡтар
15 Май 2021, 18:24
Ковидтан вакцина—көн талабы
Бөгөнгө көндә Аҡъяр, Бүребай һәм Өфө ауылдарында вакцинациялау пункттары эшләй. Ауылдар буйлап мобиль төркөм эшен дауам итә. 17 майҙа—Сиҙәм, 18—Михайловка һәм Яңы Ергән, 19—Әбеш, Быҙаулыҡ, 20 майҙа Ивановка һәм Садовый ауылдарында вакцинация буйынса мобиль төркөм күсмә рәүештә ҡабул итә. Әле күптәр яңы вакцинанан ҡурҡа, төрлө имеш-мимештәр күп йөрөй. Бында ике генә юл бар: прививка яһатып, ковид менән ауырымайбыҙ йәки яһатмайбыҙ һәм ҡасан инфекция йоҡторасағыбыҙҙы көтәбеҙ. Ә ауырыуҙы кем нисек кисерә—билгеһеҙ...
Муниципаль район хакимиәте башлығы Рөстәм Шәрипов Бәйләнештә төркөмөндәге сәхифәһендә COVID-19-ҙан вакцинаның икенсе компонентын алыуы тураһында яҙа.
“Барығыҙҙы ла коронавирустан прививка эшләтеп, яҡындарығыҙҙы был инфекция ауырыуынан һаҡларға саҡырам. Вакцинация ярҙамында был ауырыу артҡа сигенер, яҡындарығыҙҙы һәм үҙегеҙҙе хәстәрләп, һеҙ ҙә ошо яуаплы аҙымға килерһегеҙ, тип ышанам. Иҫән-һау, сәләмәт булайыҡ барыбыҙ ҙа”,--ти ул.
