+23 °С
Болотло
Яңылыҡтар
12 Май 2021, 10:07
Хәйбулла районында электромонтерҙың фажиғәле үлемендә цех начальнигы ғәйепләнә
Хәйбулла районы тикшереү комитеты тикшереүселәре бер йыл элек токтан һуғылып һәләк булған электромонтерға бәйле ваҡиға буйынса “Бүребай тау- байыҡтырыу комбинаты” йәмғиәтенең 28 йәшлек энергетика цехы начальнигына ҡарата енәйәт эше ҡуҙғата.
“Башинформ” мәғлүмәт агентлығы хәбәр итеүенсә, бер йыл элек электромонтер сәнәғәт майҙансығы контроль пункты янында видеокүҙәтеү камераһын ҡуйғанда токтан һуғылып вафат була.
Тәүҙә криминалистар ток сығанағын таба алмай, әммә бер нисә экспертиза һәм тикшереү ғәмәлдәренән һуң, яуаплы кешеләрҙең һауа линияһын токтан һүндерергә онотоуы билдәләнә.
Цех начальнигы таяуҙа электр сымын ҡабаттан ергә тоташтырыуҙы тәьмин итмәгән. Тикшереүселәр асыҡлауынса, видеокамераны монтажлағанда электромонтер юғары көсөргәнештәге сымға тейеп ала, һөҙөмтәлә токтан һәләк була. Комбинат һәләк булған хеҙм әткәрҙең туғандарына матди компенсация түләгән. Артабан цех начальнигына ҡарата енәйәт эше материалдары судҡа тапшырыла.
