+23 °С
Болотло
Яңылыҡтар
18 Апрель 2021, 12:57
Иҫерек водителдәргә “һунар” дауам итә
Рейд барышында мәктәп автобусы рулендәге водитель тотола.
Башҡортостандың ЮХХДИ идаралығы хеҙмәткәрҙәре юлдарҙа хәүефте кәметеү һәм юл хәрәкәте ҡағиҙәләрен тупаҫ боҙғандарҙы яуаплылыҡҡа тарттырыу маҡсатында ял көндәрендә иҫкәртеү сараларын көсәйтә. Был рейдтар һөҙөмтәһеҙ үтмәй.
Әйтергә кәрәк, профилактик рейдтарға ЮХХДИ хеҙмәткәрҙәре күпләп йәлеп ителә. Төп маҡсат - эскән килеш рулгә ултырған водителдәрҙе һәм башҡа тәртип боҙоу осраҡтарын асыҡлау. Һеҙҙең күптәрегеҙ дәүләт автоинспекцияһы хеҙмәткәрҙәренең айырыуса иғтибарын аңлап ҡабул итә, бының юл хәрәкәте хәүефһеҙлеген тәьмин итеү маҡсатында башҡарылғанын аңлай.
– Тиҙлек режимын күҙәтегеҙ, ҡабаланмағыҙ, светофор сигналы талаптарына ҡарап хәрәкәт итегеҙ. Салонда пассажирҙарҙың хәүефһеҙлек ҡайыштарын тағыуы мөһим, бигерәк тә балалар өсөн яуаплылыҡ тотҡанығыҙҙы онотмағыҙ. Эскән килеш рулгә ултырмағыҙ! – тип иҫкәртә ЮХХДИ хеҙмәткәрҙәре.
Ошондай көсәйтелгән саралар күреп, ял көндәрендә уҙған рейдтың беренсе көнөндә үк 67 иҫерек водитель тотолған, өс меңдән ашыу юл хәрәкәте ҡағиҙәһен боҙғандар асыҡланған. Дәүләт инспекторҙары әле лә был йүнәлештә эште дауам итә.
Барығыҙға ла уңышлы юлдар һәм яҡшы көндәр теләйбеҙ!
Фото: БР-ҙың ЮХХДИ идаралығынан.
Автор: Рәмилә Мусина
