+23 °С
Болотло
Яңылыҡтар
15 Апрель 2021, 04:08
Башҡорттарҙың 25 проценты Башҡортостандан ситтә йәшәй
..
Шуларҙың 35 меңдән ашыуы Ханты-Манси автономиялы округы- Юграға тура килә. Былар – рәсми һандар. Ә күпмеһе теркәлеүһеҙ һәм вахта ысулы менән эшләй?! Уларҙың көнитмеше һәм рухиәте нисек? Күптән түгел округта башҡорт мәҙәните һәм мәғрифәте көндәре уҙғарылды. Түбәнге Варта ҡалаһында башланды ул.
Түбәнге Варта ҡалаһы “ҡара алтын”дың өҫтөндә ултыра. Көнбайыш Себерҙең иң бай нефть ятҡылығы – “Самотлор нефте”, тип атала ул. Башҡорттар был ҡалаға күпләп уҙған быуаттың 80-се йылдарында килеп урынлашҡандар. Өсөнсө быуын йәшәй улар бында.
Тәүҙә вагончикта йәшәнек, шул машиналарҙың кабинаһында йәшәнек. Айҙар буйы йыуынмай инек, мунса күрмәй инек. Мына шундай тормоштан башланыҡ. Хәҙер яҡшы йорттарҙа йәшәйбеҙ. Үҙем Себерҙә көрәштем бит инде мин. Күрше городтарҙа мине беләләр. Лянтор, Когалым, Радужный, Нефтеюганск ҡалаларына мине судья итеп кенә саҡыралар, как судья итеп. Үҙем Ауырғазы районында мин Рәшит Назаровтың иҫтәлегенә көрәш буйынса турнирҙар ңткәрҙем.)
Марат Ибраҡов, Түбәнге Варта ҡалаһында йәшәүсе
Түбәнге Вартала “Дуҫлыҡ” мәҙәни, “Югра башҡорттары” исемле йәштәр төбәк ойошмалары эшләй. Башҡорт балалары күп. Ата-әсәләр яңы уҡыу йылында йәкшәмбе мәктәбе асыу ниәте менән яна. Ҡала мәғариф департаменты бина менән ярҙам итергә әҙер, тик ата-әсәләргә документтар юллауҙа әүҙемерәк эшләргә генә ҡала.
Ойошмабыҙҙан ҡатын-ҡыҙҙар булараҡ та, беҙ башҡорт уғынан атыуҙы сараһын күтәрергә тейбеҙ. Уҡтар, яндар һатып алдыҡ. Әлеге мәлдә бик үк күп кеше йөрөмәһә лә, алға китер был эш, тип уйлайбыҙ.Әле оҫталыҡ дәрестәре бара.
Себерҙә нефть табыу һәм уны эшкәртеү сәнәғәтендә, ҡалалар төҙөүҙә башҡорт ир-егеттәренең фиҙакәр хеҙмәте, өлөшө ҙур. Лянтор һәм Түбәнге Сортым нефть табыу идаралыҡтарының тәүге етәкселәре – Башҡор тостандан. Улар – Мөхтәр Назарғәлиев һәм Туймазы районы Атнағол ауылынан ҡаңлы башҡорто Зиннур Хөсәйенов. Сәфәр барышында Башҡортостан делегацияһы уларҙың бюстарына сәскәләр һалды.
Унда бер нәмә юҡ. Башы ҡатты бит, ҡайҙа контор төҙөргә? Унда 7 рыбацкий домиктар ғына бар ине ханттарҙың. Шул пустой урындан башланы инде ул командовать итергә.
Ғәтиә Назарғәлиева, Мөхтәр Назарғәлиевтың ҡатыны, 91 йәш
Осрашыу барышында округта йәшәгән милләттәштәребеҙгә Бөтә донъя башҡорттары иғлан иткән проекттарҙа әүҙем ҡатнашырға тәҡдим ителде. Шул йәһәттән, Себер ере, Рәсәй нефте өсөн фиҙакәр эшләгән яҡташтарыбыҙҙың да исемдәрен асыҡлау һәм мәңгеләштереү тора.
Беҙҙең округ ҡорлтайы шәп эшләй, урындағы башҡорт ойошмалары. Рәхмәт Радий Фәритовичҡа, беҙҙең башҡорт мәҙәни үҙәктәре эшләп килә. Әлбиттә, башҡорт ҡорлтайының беҙгә килеүе ул – дәүләт учреждениелары менән, мәғариф департаментттары менән мөнәсәбәттәр төҙөү, бергә эшләү, беҙгә ярҙам итеү, берләштереү.
Айнур Сәғитов, Бөтә донъя башҡорттары ҡоролтайы башҡарма комитеты ағзаһы
Себерҙә тыуған башҡорт балаларының туған телен һаҡлау көн үҙәгенә баҫа. Район һәм ҡала мәғәриф департаменттары менән рәсми һөйләшеүҙәрҙә һүҙ ошо хаҡта барҙы. Рәсәй мәғариф ҡануниәте шарттарына ярашлы әсә телен нисек уҡытырға? Күп осраҡта йәкшәмбе мәктәбе форматында, тигән яуаптар яңғыраны. Быға тиклем Сорғотта бер йәкшәмбе мәктәбе эшләһә, хәҙер улар икәү. Мәртәбәле сарала Башҡортостан Мәғариф Министрлығы исеменән был мәктәпкә интерактив таҡта, проектор һәм ноутбук бүләк ителде.
С 2020 года с октября месяца заключен договор между администрацией города и Башкирской автономией, где нам дали на постоянной основе в25-ой школе для ведения башкирского языка. 06.48 сегодня у нас заключен договор с гимназией им. Гарипова.Мы уже ведем онлайн-уроки.
Зөлфирә Сырлыбаева, Сорғот ҡалаһының башҡорт милли-мәҙәни автономияһы рәйесе
Мәҙәниәт һәм мәғрифәт көндәре Ханты-Манси автоном округында йәшәгән милләттәштәребеҙҙең ижтимағи эшмәкәрлеге, көнкүреше, йәшәйеше менән танышыу, уларҙың рухи ихтияждарын асыҡлау кеүек сараларҙан торҙо. Күҙгә күҙ ҡарап асыҡ һөйләшеүҙәр һәм осрашыуҙарға әүерелде ул.
