+22 °С
Облачно
Яңылыҡтар
6 Апреля 2021, 10:34
Республикала дәүләт хеҙмәткәрҙәренең 18 проценттан аҙырағы ғына коронавирустан вакцина яһатҡан
-
Был турала Һаулыҡ һаҡлау министрлығынан хәбәр итәләр. Башҡортостан етәксеһе Радий Хәбиров чиновниктар араһында прививка алыусыларҙың аҙ булыуына ризаһыҙлыҡ белдерҙе.
Вакцина – йоғошло сирҙе туҡтатыуҙың ышаныслы юлы. Медицина фәндәре докторы, профессор Марсель Тойғонов ҡулланыуға ҡаршы дәлилдәр булмаған осраҡта прививка яһатырға кәңәш итә.
Радий Хәбиров Һаулыҡ һаҡлау министрлығына предприятиелар менән бәйләнешкә сығырға һәм инфекцияға ҡаршы вакцина яһатыуҙы эш урынында ойошторорға ҡушты.
Коронавирус менән көрәш буйынса оператив штабтан хәбәр итеүҙәренсә, республикала пандемия башланғандан алып, 378 кеше вафат булған. Әле стационарҙа 200-ҙән ашыу пациент иҫәпләнә. Уларҙың 17-һе ауыр хәлдә, 4 кеше үпкәне яһалма елләтеү аппаратына тоташтырылған. COVID-19 вирусын йоҡторған 4 меңгә яҡын кеше өй шарттарында дауалана.
Сығанаҡ: https://bash.news/bash/news/148598
