+23 °С
Болотло
Яңылыҡтар
29 Март 2021, 09:38
Өфөлә сауҙа һәм дөйөм туҡланыу предприятиеларының вакансиялар йәрминкәһе була
-
1 апрелдә Өфөлә дөйөм туҡланыу, шулай уҡ күмәртәләп һәм ваҡлап һатыу предприятиеларының вакансиялар йәрминкәһе була, тип хәбәр иттеләр баш ҡала хакимиәтенең матбуғат хеҙмәтенән.
Тәҡдим ителгән вакансиялар иҫәбендә — администратор, йөк тейәүсе, урам һепереүсе, кассир, менеджер, һауыт-һаба йыуыусы, икмәк бешереүсе, ашнаҡсы, һатыусы, call-үҙәк белгесе, слесарь, штукатур, электрик һәм башҡа эш урындары.
«Йәрминкәгә килгәндәргә мәшғүллек өлкәһендәге дәүләт хеҙмәттәре күрһәтелә, шул иҫәптән компьютер диагностикаһы, һөнәри йүнәлеш, уҡытыу һәм хоҡуҡи мәсьәләләр буйынса консультациялар бирелә», — тип белдерҙеләр мэрияла.
Бөтә хеҙмәттәр ҙә бушлай.
Йәрминкәне үткәреү урыны һәм ваҡыты — Ибраһимов бульвары, 47/1, иртәнге сәғәт 10-дан 12-гә тиклем.
