+29 °С
Болотло
Яңылыҡтар
26 Март 2021, 04:20
ЯҢЫ ПРОИЗВОДСТВО АСЫЛДЫ
#национальныепроекты; #нацпроекты; #региональныепроекты;#регпроекты; #нацпроектыБашкортостан; #ВладимирПутин..
Башҡортостан Башлығы Радий Хәбиров, Өфөлә уҙған ВДНХ-ЭКСПО күргәҙмә комплексында Агросәнәғәт форумы һәм 31-се “Агрокомплекс” халыҡ-ара махсуслашҡан күргәҙмә сиктәрендә телекүпер режимында “Акрос РБ” компанияһының ауыл хужалығы техникаһын ремонтлау һәм хеҙмәтләндереү буйынса яңы производствоһын асыуҙа ҡатнашҡайны, тип хәбәр итә "Башҡортостан".
Предприятие былтыр 16 мартта уҙған “Инвестсәғәт”тә төбәк Башлығын беренсе тапҡыр ошондай цех булдырыу тураһындағы проекты менән таныштырғайны. Ауыл сәнәғәте комплексы өсөн илдә машина эшләү буйынса лидер булған предприятиеның был тәҡдиме республиканың Инвестиция комитеты тарафынан хуплау алды.
Майҙаны 1,5 мең квадрат метрға тиң яңы цех Өфө районында урынлашҡан. Компания ауыл хужалығы техникаһы өсөн тағылма, деталдәр һәм запас частәр етештереүгә технологик һәм станок ҡорамалдары алған, иген урыу комбайндары өсөн урғысты ташыу өсөн арба эшләү технологияһын үҙләштерә. Проектҡа һалынған инвестициялар күләме 220 миллион һум тәшкил иткән. Уны бойомға ашырыу һөҙөмтәһендә предприятие 30 хеҙмәт урыны булдырған.
Компания кииләсәктә 1,7 мең квадрат метр майҙанда 100 миллион һумға торошло ремонт-сервис үҙәген төҙөүҙе, шулай уҡ техниканы сервис хеҙмәтләндереүе өсөн 100 миллион һумға торошло ҡорамалдар алырға планлаштыра.
“Акрос РБ” йәмғиәте 2013 йылдан эшләй. 2014 йылдан “Ростсельмаш” комбайн заводының һәм башҡа эре ауыл хужалығы техникаһы етештереүселәрҙең дилеры булып тора. Башҡортостандың Ауыл сәнәғәте комплексы преприятиеларын ремонтлау-хеҙмәтләндереү ассоциацияһы составына ингән.
Шулай итеп, “Акрос РБ” йәмғиәте республикала Рәсәй Президенты Владимир Путиндың май указдарына ярашлы ҡабул ителгән “Хеҙмәт етештереүсәнлеге һәм мәшғүллеккә булышлыҡ итеү” милли проектын бойомға ашырыуға булышлыҡ итә.
Фото: БР Хөкүмәте сайтынан.
