+23 °С
Болотло
Яңылыҡтар
23 Март 2021, 05:19
Әбештә Наурыз байрамы
Наурыз мосолман халҡының иң изге байрамдарының береһе. Ул – яҙғыһын көн менән төн тигеҙләшкән мәлдә үткәрелә. Наурыз һүҙе яңы йыл тигәнде аңлата
Борон йыл яҙ башынан башланған. Уны халыҡта буранай тип йөрөткәндәр. Наурыз мосолман халҡының иң изге байрамдарының береһе. Ул – яҙғыһын көн менән төн тигеҙләшкән мәлдә үткәрелә.
Наурыз һүҙе яңы йыл тигәнде аңлата. Халыҡ ҡышҡы һыуыҡтан имен-һау ҡотолоп, йәйләүгә сығыуына шатланып, байрам үткәрә. Был көндө бай табын менән, таҙалыҡта һәм татыулыҡта ҡаршылау зарур. Әбеш ауылында ла һәр йыл һайын Наурыз байрамы бик матур үтә .
Быйыл да ауылыбыҙҙың олоһо ла, кесеһе лә байрамда бик әүҙем ҡатнаштылар. Байрам алып барыусының Науруз байрамына арналған шиғыр юлдары менән башланып китте.
Илгә именлек, хәйерле уңышлы йылдар, мал-тыуарға үрсем теләп теләктәр әйтелде. Яҙ тураһында һынамыштар әйттеләр ,йомаҡтар ҡойҙолар. Артабан төрлө уйын- ярыштар ойошторолдо.
Наурыз байрамына арналған сара ҡатын ҡыҙҙар ойошмаһы әҙерләгән сәй табыны менән тамамланды.
