+22 °С
Болотло
Яңылыҡтар
16 Март 2021, 04:21
Республика парламентында «Ғәҙел Рәсәй» фракцияһын Владимир Нагорный етәкләй
-
Башҡортостан Дәүләт Йыйылышында бынан алда «Рәсәй патриоттары» партияһында торған депутат Владимир Нагорный «Ғәҙел Рәсәй» фракцияһы етәксеһе итеп һайланды.
«Ғәҙел Рәсәй»ҙе, «Рәсәй патриоттары»н һәм «Ғәҙеллек өсөн» партияһын берләштергәндән һуң Башҡортостан парламентында «Ғәҙел Рәсәй»ҙең яңы фракцияһы ойошторолдо, уға өс депутат, шул иҫәптән Владимир Нагорный, Рамазан Рамазанов һәм Эльдар Насретдинов инде.
Бынан тыш, депутаттар Юрий Игнатьев, Алексей Нилов, Рөстәм Дәүләтов та Башҡортостан парламентындағы «Ғәҙел Рәсәй» фракцияһына һайланды.
«Беҙ Башҡортостан Республикаһы Дәүләт Йыйылышында «Ғәҙел Рәсәй» партияһының яңыртылған составында әүҙем закон сығарыу эшмәкәрлеген дауам итергә йыйынабыҙ. Өҫтәүенә, фракциябыҙ һан яғынан ике тапҡырға артты», — тине Владимир Нагорный.
Фото: Олег Яровиков.
