+11 °С
Болотло
Бөтә яңылыҡтар
Яңылыҡтар
3 Март 2021, 17:06
Автобуста йәшерен һатып алыусы
-
Өфөлә һалым инспекцияһы маршруттарҙа контроль-касса аппараттарын ҡулланыу етешһеҙлектәрен асыҡлау буйынса рейд үткәрҙе. Уға транспортты күҙәтеү федераль хеҙмәте һәм юл хәрәкәте хәүефһеҙлеге дәүләт инспекцияһы белгестәре лә ҡушылды.
Пассажирҙан ҡулаҡса алған, ә чек бирергә онотҡан. 272-се маршрут автобусы водителе Рушан Мөхәмәтшинға һалым инспекцияһы хеҙмәткәрҙәре алдында аҡланырға тура килде.
Һалым инспекторҙары иһә Рушан Мөхәмәтшиндың аҡланыуы транспортта һуңғы ваҡытта йыш теркәлгән тәртип боҙоуҙарҙың береһе тигән ҡарашта. Йылғыр водителдәр иғтибарһыҙлыҡҡа һылтанып, өҫтәмә табыш юлын эҙләй. Контроль-касса апапаратын урап үтеүселәрҙе асыҡлау өсөн йәмәғәт транспортында «йәшерен һатып алыусы» акцияһы һәм оператив тикшереү рейдтары ойошторола.
Рейд барышында асыҡланған етешһеҙлек беренсе тапҡыр ғына теркәлгән хәлдә водителгә иҫкәртеү яһала, әммә «иғтибарһыҙлыҡ» системалы рәүештә ҡабатлана икән транспорт компанияһы административ яуаплылыҡҡа тарттырыла. Дөйөм алғанда, пассажирҙар һуңғы осорҙа йәмәғәт транспортында тәртип урынлашыуын йәшермәй.
Автобус водителдәре иһә йылғыр пассажирҙарға зарлана
Баҡтиһәң банк карталарын ҡулланыусылар йыш ҡына уларҙы төп башына ултыртырға тырыша икән.
Айырым етешһеҙлектәргә ҡарамаҫтан, Ҡала эсендәге маршруттарҙа контроль касса аппараттары ҡулланыу ғәҙәткә инеп бара. Белгестәр Өфө тирәһендәге ауылда һәм күрше райондарға сәфәр сығыусы автобустарҙы иғтибарға алыу кәрәклеген билдәләй. Шуға ла йәшерен һатып алыусы акцияһы һәм оператив рейдтар артабан шул йүнәлештәрҙәге йәмәғәт транспортында дауам итеүе ихтимал.
Автор:Рафиҡ Әхмәтшин
Читайте нас:
© 2024 Ижтимағи-сәйәси гәзит. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының "Башҡортостан Республикаһы" нәшриәт йорто дәүләт унитар предприятиеһы.
Свидетельство о регистрации СМИ: ПИ № ТУ 02 - 01391 от 12 августа 2015 г. выдано Управлением федеральной службы по надзору в сфере связи, информационных технологий и массовых коммуникаций по Республике Башкортостан. Главный редактор Имангулова М.Г.
Все материалы сайта «Хәйбулла хәбәрҙәре» предназначены для пользователей старше 18 лет.
Телефон
8(34758)2-14-98
Электрон почта
Адресы
453800, Башкортостан, Хайбуллинский район, с.Акъяр,пр.С.Юлаева, д.41.
Реклама хеҙмәте
8(34758)2-15-62
Редакция
8(34758)2-14-98
Ҡабул итеү бүлмәһе
8(34758)2-14-95
Хеҙмәттәшлек
8(34758)2-15-62
Кадрҙар бүлеге
8(34758)2-14-95