Балаларҙы уҡытыу өсөн белемле, киң эрудициялы, эшһөйәр, яҡшы психолог та, талант эйәһе лә, фантазияға бай ҙа булыу мөһим. Рәсәй Федерацияһының халыҡ мәғарифы отличнигы, 1-се Аҡъяр мәктәбе директорының башланғыс кластарҙа уҡыу-уҡытыу буйынса урынбаҫары Кәбирә Таулыҡаева тап ошо сифаттарға эйә булған тәжрибәле педагог. Бар ғүмерен донъялағы иң изге эшкә – балалар уҡытыуға бағышлаған уҡытыусы ошо көндәрҙә үҙенең күркәм юбилейын билдәләй.