Бөтә яңылыҡтар
Яңылыҡтар
19 Февраль 2021, 11:18

Өфөләрҙе вакансиялар йәрминкәһенә саҡыралар

-

25 февралдә Өфөлә төрлө йүнәлештәге вакансиялар йәрминкәһе була. Унда мәғариф, һаулыҡ һаҡлау, шулай уҡ социаль һәм финанс хеҙмәттәре күрһәткән ойошмалар буш эш урындары тәҡдим итә.
Вакансиялар араһында – табип, шәфҡәт туташы, администратор, офис-менеджер, санитар, тәрбиәсе, секретарь, менеджер, уҡытыусы, слесарь-сантехник, электромонтер һәм башҡа һөнәрҙәр.
«Йәрминкәгә килеүселәргә мәшғүллек өлкәһендәге дәүләт хеҙмәттәре күрһәтелә, һөнәри йүнәлеш биреү, уҡытыу, хоҡуҡи мәсьәләләр буйынса кәңәш бирелә. Шулай уҡ компьютер диагностикаһы үтеү мөмкинлеге лә бар», — тип белдерҙеләр Өфөнөң Халыҡ мәшғүллеге үҙәгендә.
Йәрминкәне уҙғарыу урыны һәм ваҡыты – Ибраһимов бульвары, 47/1, иртәнге сәғәт 10-дан көндөҙгө 12-гә тиклем.
Бөтә хеҙмәттәр ҙә бушлай.
Галина Бахшиева.
Читайте нас в