+11 °С
Болотло
Бөтә яңылыҡтар
Яңылыҡтар
17 Февраль 2021, 14:18
Халыҡтар Дуҫлығы йорто филиалдары 20-нән артыҡ сара ойошторосаҡ
..
Халыҡ-ара туған тел көнөнә республикабыҙҙың Халыҡтар Дуҫлығы йорто филиалдары 20-нән артыҡ сара әҙерләгән. Һәр милли тарихи-мәҙәни үҙәк осрашыуҙар, лекциялар, танып-белеү, әҙәби-музыкаль программалар һәм викториналар, асыҡ дәрестәр үткәрәсәк.
Өфө районында «Ҡыҙыл Яр» урыҫ тарихи-мәҙәни үҙәге «Милли кейемдең тел портреты» тигән туған тел фестивален уҙғара.
– Беҙҙең проект беренсе тапҡыр ғына үткәрелмәй. Ул һәр ваҡыт мәктәптәрҙә ҡыҙыҡһыныу уята. Мәҫәлән, үткән йылда 22 ғариза бирелгәйне. Быйыл фестиваль тәүге тапҡыр онлайн-форматта ойоштороласаҡ, – тип белдерҙе үҙәктең баш белгесе Венера Фәрғәнова.
Удмурт тарихи-мәҙәни үҙәге хеҙмәткәрҙәре Тәтешле районының Бигәнәй мәктәбе уҡыусылары өсөн – «Удмурт теле илендә», ә мари тарихи-мәҙәни үҙәгенекеләр Мишкә районы үҙәгендәге мәктәптә асыҡ дәрестәр бирәсәк. Немец тарихи-мәҙәни үҙәге –«Туған телде һаҡлайыҡ» тигән акция, татар тарихи-мәҙәни үҙәге социаль селтәрҙәрҙә «Туған телдәрҙә һөйләшәйек» тигән флешмоб үткәрәсәк.
Байрам Рәсәй төбәктәрендәге филиалдарҙа ла билдәләнәсәк. Пермь крайының Сүлмәш ауылында – Башҡортостандың халыҡ шағиры Мостай Кәримгә арналған әҙәби кисә, Ырымбурҙа – шағирә Нәфисә Смакова менән онлайн-осрашыу, Свердлов өлкәһендә «Осрашыу урынын үҙгәртергә ярамай» тип аталған сара ойоштороласаҡ. Силәбе өлкәһендә «Шаяр» проектына ярашлы, танып-белеп сараларын уҙғарыу күҙаллана.
Читайте нас:
© 2024 Ижтимағи-сәйәси гәзит. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының "Башҡортостан Республикаһы" нәшриәт йорто дәүләт унитар предприятиеһы.
Свидетельство о регистрации СМИ: ПИ № ТУ 02 - 01391 от 12 августа 2015 г. выдано Управлением федеральной службы по надзору в сфере связи, информационных технологий и массовых коммуникаций по Республике Башкортостан. Главный редактор Имангулова М.Г.
Все материалы сайта «Хәйбулла хәбәрҙәре» предназначены для пользователей старше 18 лет.
Телефон
8(34758)2-14-98
Электрон почта
Адресы
453800, Башкортостан, Хайбуллинский район, с.Акъяр,пр.С.Юлаева, д.41.
Реклама хеҙмәте
8(34758)2-15-62
Редакция
8(34758)2-14-98
Ҡабул итеү бүлмәһе
8(34758)2-14-95
Хеҙмәттәшлек
8(34758)2-15-62
Кадрҙар бүлеге
8(34758)2-14-95