+15 °С
Болотло
Бөтә яңылыҡтар
Яңылыҡтар
9 Февраль 2021, 12:02
Республикала ил президенты тарафынан иғлан ителгән фән һәм технологиялар йылына старт бирелде
-
Өфөлә Евразия ғилми-белем биреү үҙәге вәкилдәре проекттары менән сығыш яһаны. Торатау" конгрес-холында Радий Хәбиров үҙәк вәкилдәре менән осрашыуҙа киләсәккә ғилми өлкәлә стратегик бурыстар ҡуйҙы.
Тоноҡ һыуҙағы ҡара таптар – нефть шыйыҡсаһы. Һыу ятҡылыҡтарына ҡара алтындың ағып төшөүе ниндәй эҙемтәләргә килтереүе билдәле. Нефтте йыйып алыуҙа ҡулланылыусы алым үҙе лә экологияға яҡшы тәьҫир итмәй. Өфө дәүләт авиация техник университеты ғалимдары иһә бындай ғәҙәттән тыш хәлдә иген ҡалдыҡтарын ҡуллана. Сорбент таптарҙы йыйып ала.
Университет ғалимдарының ғилми эксперименттары колбаларҙа ғына алып барылмай. Асыш һынау производствоһына ебәрелгән, нефть ятҡылыҡтарында скважиналарҙа ҡулланылған. Сорбентты Тымыҡ океанды ҡойолған нефть продукттарынан таҙартыуҙа файҙаланыу тураһында ла һүҙ бара. Йәшел реагенттарҙы тормошта ҡулланыу мөмкинлектәре киң. Мәҫәлән,ғилми хеҙмәткәрҙәр ҡарҙы ла тирә-яҡ мөхиткә зарарһыҙ юл менән иретә, тоҙҙо ла.
Был асыштар бөтәһе лә фән һәм техника өлкәһендә Башҡортостан дәүләт премияһы иҫәбенә эшләнгән. Ә киләсәктә республиканың мега-гранттары булдырыласаҡ. Радий Хәбиров был хаҡта бөгөн донъяуи кимәлдәге Евразия ғилми-белем биреү үҙәгенең мәғариф һәм ғилми үҙәктәр ғалимдары менән осрашыуында белдерҙе. Фән иҡтисад, йәмәғәт һәм социаль өлкәлә тормош сифатын яҡшыртыусы төп этәргес көс тине , төбәк етәксеһе.
Үҙәккә инеүселәр үҙ проекттары менән таныштырҙы. Мәҫәлән, биохимия һәм генетика институты ғалимдары кешенең генетик паспортын булдырыу тураһында хеҙмәт яҙған. Ул нәҫелдән килгән сирҙәр, дарыуҙарға организмдың тәьҫире, кешенең һәләттәрен үҫтереү һәм башҡа үҙенсәлектәрен өйрәнеү нигеҙендә туплана.
Кеше ресурстары һәм фәнни ҡаҙаныштар өсөн көрәш шарттарында йәшәйбеҙ, тиелде кәңәшмәлә. Фән – сал сәсле булырға тейеш түгел, йәштәрҙең был өлкәгә килеүе мөһим.
Рәсәй фәндәр академияһының Өфө ғилми үҙәгендә проекттар паблик талк форматында ҡаралды. Башҡортостан ғалимдары энергетика, алдынғы производство технологиялары һәм башҡа йүнәлештәр буйынса фекер алышты.
Республика Евразия ғилми белем биреү үҙәге статусы менән сикләнеп ҡалмаҫҡа, ә илдә тәүге биш урынға сығырға тейеш. Башҡортостан башлығы ошондай бурыс ҡуйҙы. Ул саҡта автоматик рәүештә бер миллиард күләмендә грант йәлеп итеү мөмкинлеге тыуа.
Ҙур уйынсылар көрәшкәндә ҡеүәтлеләр еңә. Башҡортостан башлығы осрашыуҙа шулай тип билдәләне. Күрше региондарҙа ҙур фәнни- белем биреү комплекстары бар. Конкурентлыҡ шарттарында еңеп сығыу өсөн беҙҙә кадрҙар етерлек, ғилми мәктәптәр бар. Көстәрҙе берләштереү мәһим. Башҡорт дәүләт университеты менән Өфө дәүләт авиация техник университетын ҡушыу тураһында уйланырға ваҡыт. Яңы ҡаҙаныштарға ирешеү өсөн ҡлыптарҙан арыныу мөһим тине, төбәк етәксеһе.
Автор:Рәмилә Исмәғилева.
Читайте нас в
Ижтимағи-сәйәси гәзит. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының "Башҡортостан Республикаһы" нәшриәт йорто дәүләт унитар предприятиеһы.
Свидетельство о регистрации СМИ: ПИ № ТУ 02 - 01391 от 12 августа 2015 г. выдано Управлением федеральной службы по надзору в сфере связи, информационных технологий и массовых коммуникаций по Республике Башкортостан. Главный редактор Имангулова М.Г.
Все материалы сайта «Хәйбулла хәбәрҙәре» предназначены для пользователей старше 18 лет.
Телефон
8(34758)2-14-98
Электрон почта
Адресы
453800, Башкортостан, Хайбуллинский район, с.Акъяр,пр.С.Юлаева, д.41.
Реклама хеҙмәте
8(34758)2-15-62
Редакция
8(34758)2-14-98
Ҡабул итеү бүлмәһе
8(34758)2-14-95
Хеҙмәттәшлек
8(34758)2-15-62
Кадрҙар бүлеге
8(34758)2-14-95