+14 °С
Болотло
Бөтә яңылыҡтар
Яңылыҡтар
4 Февраль 2021, 12:40
Йыл башынан Өфөлә йорт ҡыйыҡтарынан боҙ, ҡар төшөп биш кеше йәрәхәтләнгән
-
Бынан тыш, автомобилдәр зыян күргән осраҡтар ҙа теркәлгән – 10 машинаның түбәһе боҙолған. Ошо көндәрҙә Черниковка биҫтәһендә ҡыйыҡтан ҡар төшөп ғаиләләге ир менән ҡатындың мейеһе һелкенгән.
Өфөнөң Черниковка биҫтәһендә йәшәүсе Дмитрий Богдановтың кисәге эш көнө күңелһеҙ тамамланған. Ҡатыны менән Конституция урамы буйлап китеп барғанда уларҙың башына йорт ҡыйығынан боҙ төшкән. Ирле-ҡатынлы улар йорт шарттарында дауаланырға мәжбүр.
"Ҡолап киттек, ҡулымдан телефоным сығып осто. Шаңҡыу хәлендә инек. Торлаҡ идаралығы яуаплылыҡты фатир хужаһына япһарырға тырыша. Мин видеокүҙәтеү ҡоролмаларындағы яҙмаларҙы эҙләйем. Беҙҙән башҡалар ҙа зыян күреүе ихтимал".
Дмитрий Богданов, зыян күреүсе.
Торлаҡ хужалығы идаралығы вәкилдәре әйтеүенсә, йорт ҡыйыҡтары ҡар менән боҙҙан график буйынса таҙартыла. Көндәр йылытҡан осорҙа боҙбармаҡтарҙан ҡотолоп өлгөрөү мөмкин түгел.
Йорт ҡыйығы өсөн яуаплы хеҙмәткәрҙәр, боҙ түбәнән түгел, балкондан төшкән тип бара. Улар әйтеүенсә, балкондарҙы таҙартыу фатир хужаларына йөкмәтелә. Зыян күреүселәр ҡар менән боҙ балконда булһа ла, уны тап коммуналь хужалыҡ эшселәре ҡыйыҡтарҙан кеше балконына этеп төшөрә, тип иҫәпләй.
Ҡар яуып, һауа температураһы күтәрелгәндә ҡыйыҡтарҙа боҙ сәғәт һайын барлыҡҡа килә. Буран ваҡытында эшселәр өлгөрә алмай. Үҙаллы балкон ҡорған фатир хужалары ҡарлы участканы үҙҙәре таҙартырға бурыслы.
Елена Саблукова, Өфөнөң Орджоникидзе районы торлаҡ хужалығы идаралығы директоры урынбаҫары.
Әлбиттә, юғары ҡаттарҙа йәшәүсе йәки өлкән йәштәге граждандар үҙаллы балконды ҡарҙан таҙарта алмай. Ҡатмарлыҡтар булған осраҡта торлаҡ-коммуналь хужалығы идаралығына заявка бирергә мөмкин.
Ҡыйыҡтарҙан ҡар һәм боҙ төшөп йәрәхәтләнеү осраҡтарын бөтөрөү өсөн Өфөлә ҡар картаһы ғәмәлдә. Мобиль ҡушымта аша һәр кеше хәүефле участканың фотоһын ебәреп, ҡала хакимиәтенән ярҙам саҡырта ала.
Йыл башынан ғына түбәләрҙән ҡар һәм боҙ киҫәктәре төшөп биш кеше йәрәхәтләнгән. Ҡар өйөмөнән емерелгән автомобилдәр бер тиҫтәгә еткән. Белгестәр эшселәрҙең ҡар таҙартыусыларҙың хеҙмәтенән тыш, үҙаллы хәүефһеҙлек ҡағиҙәләренә иғтибарлы булырға кәңәш итә.
Автор:Флорида Ким.
Читайте нас:
© 2024 Ижтимағи-сәйәси гәзит. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының "Башҡортостан Республикаһы" нәшриәт йорто дәүләт унитар предприятиеһы.
Свидетельство о регистрации СМИ: ПИ № ТУ 02 - 01391 от 12 августа 2015 г. выдано Управлением федеральной службы по надзору в сфере связи, информационных технологий и массовых коммуникаций по Республике Башкортостан. Главный редактор Имангулова М.Г.
Все материалы сайта «Хәйбулла хәбәрҙәре» предназначены для пользователей старше 18 лет.
Телефон
8(34758)2-14-98
Электрон почта
Адресы
453800, Башкортостан, Хайбуллинский район, с.Акъяр,пр.С.Юлаева, д.41.
Реклама хеҙмәте
8(34758)2-15-62
Редакция
8(34758)2-14-98
Ҡабул итеү бүлмәһе
8(34758)2-14-95
Хеҙмәттәшлек
8(34758)2-15-62
Кадрҙар бүлеге
8(34758)2-14-95