Хәйбулла районы Первомайское ауылында мәсет төҙөлә

Фермер Радик Ниғмәтовтың иман йортон тергеҙеү башланғысын ауылдаштары ла хуплап ҡаршы алған һәм һәр ғаилә ҡулынан килгәнсә ярҙам ҡулы һуҙа. //

Фермер Радик Ниғмәтовтың иман йортон тергеҙеү башланғысын ауылдаштары ла хуплап ҡаршы алған һәм һәр ғаилә ҡулынан килгәнсә ярҙам ҡулы һуҙа.

Тышта ҡышҡы селлә. Әммә Первомайское ауылы йәштәре ең һыҙғанып эшкә тотонған. Иман йорто ауылға ингән ерҙән әллә ҡайҙан халыҡты үҙенә саҡырып торасаҡ. Егеттәр мәсеттең ҡыйығын яба, бинаға нигеҙ иртә яҙҙан ер ҡарҙан әрселгәс тә һалынған. Йәйгеһен һәр кем хужалыҡ эштәре менән шөғөлләнгән, әммә мал -тыуар ҡураға индерелгәс, мәсет төҙөлөшө йәнә күҙгә күренеп йәнләнгән.

Радик Ниғмәтов ауылдаштары араһында тырышлығы, эшһөйәрлеге менән абруй һәм хөрмәт ҡаҙанған. Ул етәкләгән хужалыҡта ҡырҡтан ашыу мал аҫрала. Ауылдаштарына эш урындары булдырылған. Татыу һәм эшсән ғаиләлә һигеҙ бала-атай өлгөһөндә тәрбиәләнә. Ойоштороу һәләте булған уҙаман изге эштәргә ауылдаштарын да әйҙәр көскә эйә.

Мәсеттең ҡыйығы һалынып бөтөү менән алтмыш квадрат метр майҙанды тәшкил иткән мәсет бинаһында иртә яҙға тиклем туҡтатылып торасаҡ. Биҙәкләү һәм төҙөкләндерү эштәре тамамлағандан һуң, киләһе йылдың Ҡорбан байрамын яңы мәсеттә аҙан әйтеп, мул табын әҙерләп ҡаршылаясаҡтар.

Гүзәл Борханова.

Яңылыҡтар - Башҡортостан юлдаш телевидениеһы

Читайте нас: