+23 °С
Болотло
Яңылыҡтар
14 Апрель 2020, 06:40
Районда ике мең ярымдан ашыу уҡыусы онлайн-дәрестәрҙә ҡатнаша
#өйҙәҡал#домаяҡшыраҡ..
Дистацион уҡыу процессында электрон һәм ҡағыҙ кейстар ҙа ҡулланыла. Билдәле булыуынса, 212 баланың интернет-ресурстар менән файҙаланыуға техник мөмкинлеге юҡ. Шуға аҙна һайын дежур уҡытыусылар билдәләнгән адрестар буйынса эштәр тарата.
Онлайн-дәрестәргә килгәндә, һанлы мәғариф платформалары еңел һәм тиҙ үҙләштерелә. Уҡыусылар менән кире бәйләнеш булдырылған. Өй шарттарында белем тауына үрләүҙә ата-әсәләр ҙә төп терәк. Хәсәновтар ғаиләһендә генә дүрт бала, уларҙың өсәүһе мәктәптә уҡый.
Хәйбулла районы мәктәптәрендә бушлай ҡайнар аш менән тәьмин ителеүсе балаларға аҙыҡ-түлек тупланмаһы ла таратыла. Улар аҙ тәьмин ителгән һәм күп балалы ғаиләләрҙә тәрбиәләнгән, шулай уҡ һаулыҡтары сикләнгән балаларға тәғәйенләнгән. Аҡъярҙың 2-се урта мәктәбендә генә өс йөҙҙән ашыу уҡыусыға ҡоро паек бүленә.
Гөлназ Хәйбуллина.
