+22 °С
Болотло
Яңылыҡтар
13 Апрель 2020, 18:23
Республикаға 550 үпкәне яһалма елләтеү аппараты алына
Был турала Радий Хәбиров социаль селтәрҙәге сәхифәһендә яҙған. //
“143 яңы аппарат алыу тураһында ҡарар бар ине. Уларға тағы ла 550 ошондай ҡоролма өҫтәргә булдыҡ.
Уҙған аҙнала республикаға 17 аппарат ҡайтарылды, шул иҫәптән, 5-үе балаларҙыҡы. Улар дауаханаларға тапшырылды.
Республикала барлығы 1290 үпкәне яһалма елләтеү аппараты иҫәпләнә. Яңы партияларҙы иҫәпкә алып, уларҙың беренсеһе 26 апрелдә килтерелә (300 дана), ә икенсе партия май аҙағында, беҙҙә барлығы 1983 ИВЛ аппараты буласаҡ. Шулай итеп, коронавирус менән ауырыған сирлеләрҙе ҡабул итеүгә әҙербеҙ. ”, - тип яҙған Башҡортостан Башлығы.
