+23 °С
Болотло
Яңылыҡтар
13 Март 2020, 19:40
Зәйнетдин короновирус арҡаһында гастролдәрен кисектергән
Йәш музыкант Зәйнетдин март аҙағында Ҡытайҙа концерт менән сығыш яһарға тейеш булған. Әммә коронавирус пандемияһы иғлан ителеүгә бәйле, Европа илдәре буйлап та гастролдәре кисектерелә. //
Йәш музыкант Зәйнетдин март аҙағында Ҡытайҙа концерт менән сығыш яһарға тейеш булған. Әммә коронавирус пандемияһы иғлан ителеүгә бәйле, Европа илдәре буйлап та гастролдәре кисектерелә. Хәйер, яҡташыбыҙ Өфөлә сағыу шоу-программа әҙерләй.
29 март тамашасылар өр-яңы музыкаль композициялар ишетәсәк. Концерт ике сәғәткә иҫәпләнгән. Һәр сығыш бейеүҙәр менән байытылған. Әле «Зәйнетдин» проектында ҡатнашыусылар яңы хәрәкәттәр өйрәнә.
Костюмдарға килгәндә, дүрт төрлө образ һайлап алынған. Ижади төркөмгә кейемдәрҙе илдең билдәле дизайнерҙары теккән.
Сәхнәлә Зәйнетдин егерме төрлө музыка ҡоралында уйнарға йыйына. Ҡурай, ҡумыҙ, думбырала уйналған башҡорт халыҡ көйҙәре заманса стилдә яңғыраясаҡ. Шулай уҡ тамашасылар алдында башҡа йәш музыканттар ҙа сығыш яһай.
