+23 °С
Болотло
Яңылыҡтар
10 Март 2020, 19:56
Өфөлә Николай Валуев исемендәге бокс мәктәбен асылды
Республика спорт әҙерлеге үҙәгендә бокс буйынса Николай Валуев исемендәге олимпия резервындағы спорт мәктәбен асыу тантанаһы үтте.
Спорттамы, тормоштамы ринг спортсыларға аяҡтарында ныҡлы баҫып торорға ышаныс бирер», - тип билдәләне уны асыу тантанаһында бокссы. Яңы спорт мәктәбендә 26 тренер етәкселегендә 714 спортсы шөғөлләнәсәк.
Рәсәйҙә бындай мәктәптәр башҡаса юҡ, бында буласаҡ чемпиондар, олимпия резервы тәрбиәләнә. Спорт мәктәбе республиканың боксерҙар йәмғиәтен берләштерәсәк.
Мәктәпте асҡанда республика бокс буйынса бындай ярыштарҙы күптән күрмәгәндер. Рингка билдәле чемпиондар түгел, ә йәш спортсылар сыҡты. Улар араһында Баймаҡтан Камилла Арғынбаева ла бар. Бына ошондай таһыллы боксерҙар киләсәктә республикала күп буласаҡ.
Башҡортостанда бокс мәктәбен булдырыу идеяһы былтыр йәй башланды. Августа Николай Валуев оҫталыҡ класы менән республикала булғанда Радий Хәбиров менән осрашты. Мәктәп асыуға ярты йыл етте.
“Бокс мәктәбен асыуға булышлыҡ иткән республика етәкселегенә рәхмәт. Уның минең исем менән аталыуы ла минең өсөн ҙур баһа. Был Башҡортостанда бокс федерацияһының попечителлек советы ағзаһы булараҡ, миңә республикала йышыраҡ булыу бурысын ҡуя. Олимпия резервындағы мәктәп Рәсәйҙә тәүгеләрҙең береһе”,-тине бокс буйынса күп тапҡырҙар донъя чемпионы, РФ Дәүләт Думаһы депутаты Н.Валуев.
