+29 °С
Болотло
Яңылыҡтар
9 Март 2020, 20:30
Бөгөн кем еңде?
Бөгөн “Салауат Юлаев” Мәскәү өлкәһенең Балашиха ҡалаһында “Авангард” менән осрашты.//
Бөгөн “Салауат Юлаев” Мәскәү өлкәһенең Балашиха ҡалаһында “Авангард” менән осрашты.
Хәтерегеҙгә төшөрәбеҙ: тәүге ике уйын да Балашихала үткәйне. Беренсеһендә Омск командаһы 5:2 иҫәбе менән еңһә, икенсеһендә - беҙҙекеләр (3:2). Артабан серия Өфөгә күсте: унда командалар берешәр еңеү яуланы. Өсөнсө матчта “Салауат Юлаев”ҡа тиңдәр табылманы (6:3), дүртенсеһендә “Авангард” көслөрәк булды (5:1).
Бишенсе уйында өфөләр 6:3 иҫәбе менән еңде! Күрше ҡапҡаға Петр Хохряков – ике, Филип Ларсен, Владимир Жарков, Сакари Маннинен һәм Владислав Картаев берешәр шайба индерҙе. Серияла “Салауат Юлаев” 3:2 иҫәбе менән алда бара.
Алтынсы матч 11 мартта Өфөлә үтәсәк.
Фото: “Салауат Юлаев” хоккей клубы.
Автор: Айһылыу Низамова
"Башҡортостан" гәзите сайтынан алынды
https://vk.com/gazetabashkortostan
